میں ون ڈاؤن کھیلنے پر مطمئن نہیں تھا: بابر اعظم

پشاور زلمی کے کپتان بابر اعظم نے ایک بیان میں کہا کہ مجھ پر کسی قسم کا پریشر نہیں ہے، میں نے جو فیصلہ کیا وہ پاکستان کے لیے کیا ہے، میں ون ڈاؤن کے لیے ذاتی طور پر مطمئن نہیں تھا ، لیکن میں نے پاکستان کے لیے کھیلا۔ ان کا کہنا تھا ہمارے پاس بہترین پلیئرز کی ٹیم تھی ابتدا میں ہمیں کچھ مسائل ہوئے۔

ایک سوال کا جواب دیتے ہوئے بابر اعظم نے کہا مجھ پر جو بھی تنقید ہو میں اس پر دھیان نہیں دیتا، گراؤنڈ پر جا کر پرفارم کرتا ہوں، کسی کو کوئی کلیریفیکیشن نہیں دیتا۔ 

میرا فوکس کھیل پر ہوتا ہے اور میں اسے روز بہتر سے بہتر کرنے کی کوشش کرتا ہوں۔ جب ہماری عوام آکر بابر اعظم کے نعرے لگاتی ہے، اس خوشی کو اور اس احساس کو میں الفاظ میں بیان نہیں کر سکتا۔

بابر اعظم کا کہنا تھا کہ میرا اور صائم ایوب کا کھیلنے کا طریقہ مختلف ہے۔ ہم ایک پلین بنا کر کھیلتے ہیں، صائم ایوب اب آل راؤنڈر بن گیا ہے۔ صائم ایوب کے ہونے سے ہمیں بہتر بالنگ میں آپشن مل جاتی ہے، اور ہم دونوں میں بہتر کمیونیکیشن رہتی ہے۔