پنجاب پولیس نے پیر کو ایک بار پھر پاکستان تحریک انصاف کی رہنماؤں صنم جاوید خان اور عالیہ حمزہ کو دوبارہ گرفتار کر لیا۔
تفصیلات کے مطابق صنم اور عالیہ کو میانوالی پولیس نے گرفتار کر کے لاہور کی انسداد دہشت گردی کی عدالت میں پیش کیا۔
جج ارشد جاوید نے پولیس کی درخواست پر سماعت کی، جس میں پی ٹی آئی رہنماؤں کے ریمانڈ کی استدعا کی گئی۔ جس پر فاضل جج نے صنم اور عالیہ کا ایک روزہ ریمانڈ منظور کرتے ہوئے انہیں پولیس کے حوالے کر دیا۔
عالیہ نے عدالت میں صحافیوں سے گفتگو کرتے ہوئےکہا کہ وزیراعلیٰ پنجاب مریم نواز اور صوبائی پولیس کی جانب سے گزشتہ پانچ دنوں سے انہیں گرفتار کرنے کی مسلسل کوششوں پر تنقید کرتے ہوئے کہا کہ پولیس اہلکار ان کی گرفتاری کے لیے دن رات جیل کے باہر انتظار کر رہے ہیں۔
انہوں نے مزید کہا کہ “ہمیں اتنا خوف ہے کہ آپ کی پوری مشینری ہماری پارٹی کو ٹھیک کرنے میں مصروف ہے۔ 8 فروری کو آپ نے اکثریت [ووٹ] کو اقلیت میں بدل دیا اور اب سینیٹ کے انتخابات میں دھاندلی کی تیاریاں جاری ہیں”۔
خدا کے لیے حکمرانوں کو چاہیے کہ وہ اپنے فریب سے نکلیں اور اپنی جھوٹی انا سے بالاتر ہو کر عوام اور پاکستان کے بارے میں سوچیں۔
عالیہ نے مزید کہا کہ ’پی ٹی آئی کا وجود پاکستانی عوام کی وجہ سے ہے اور وہ 8 فروری کو اپنا فیصلہ کر چکے ہیں‘۔
