شاہین شاہ آفریدی نے تربیتی کیمپ چھوڑ دیا

پاکستان کے سابق ٹی ٹونٹی کپتان شاہین شاہ آفریدی تربیتی کیمپ چھوڑ کر واپس پشاور روانہ ہو گئے۔ ٹی ٹونٹی کی کپتانی سے ہٹانے کے تنازعات کے باعث انہوں نے کیمپ چھوڑا۔

پاکستان کرکٹ بورڈ نے اس کی وضاحت کرتے ہوئے کہا کہ شاہین شاہ آفریدی غصے میں نہیں بلکہ اجازت لے کر اپنے آبائی شہر روانہ ہوئے ہیں۔ شاہین شاہ آفریدی آٹھ اپریل کو چیف آف ارمی سٹاف جنرل عاصم منیر کی جانب سے دیے گئے افطار ڈنر میں شامل ہوں گے۔

ورلڈ کپ میں پاکستان کی مایوس کن کارکردگی کے بعد بابرعظم نے تمام فارمیٹس کی قیادت سے استعفی دیا تھا۔ تاہم آفریدی کو بطور کپتان شروع سے ہی بہت رکاوٹوں کا سامنا تھا، خاص طور پر جب نیوزی لینڈ کے خلاف سیریز میں شکست ہوئی تھی۔

اس کے بعد بابر اعظم کو دوبارہ کپتان مقرر کیا گیا۔ تفصیلات کے مطابق آفریدی کپتانی سے ہٹائے جانے کی وجہ سے نہ خوش تھے، اور اور اس سے ہوئے تنازعات سے بھی نہ خوش تھے، اور جو بیان ان کو ہٹائے جانے کے بعد جاری کیا گیا وہ آفریدی نے نہیں بولا تھا۔ پی سی بی نے اس غلطی کو تسلیم کیا تھا۔