سولر پینلز کی انسٹالیشن سے حکومت پریشان 

پاکستان میں بجلی کے بھاری بلوں سے بچنے کے لیے گھریلو صارفین نے بڑے پیمانے پر سولر انسٹال کروانا شروع کر دیے۔

جب بجلی خریدنے والے کم ہوتے رہیں گے اور حکومت سے بجلی نہیں خریدیں گے تو حکومت کی پریشانی بڑھے گی اور اسی طرح حکام نے نیٹ میٹرنگ میں صارفین کو ملنے والے بجلی کے نرخ کم کرنے کی تیاری پکڑ لی ہے۔

رپورٹ کے مطابق نیٹ میٹرنگ میں اس وقت صارفین کو 21 روپے فی یونٹ مل رہا ہے، لیکن یہ نرخ کم کر کے 11 روپے فی یونٹ کرنے پر حکومت کی طرف سے غور کیا جا رہا ہے۔

ان نرخوں سے بھاری کمی ہونے کی وجہ سے صارفین کو 10 روپے فی یونٹ نقصان اٹھانا پڑے گا۔ حکومت کو اس چیز کی پریشانی ہے کہ بجلی پیدا کرنے والی کمپنیوں کو کپیسٹی چارجز کی مد میں مخصوص رقم ادا کرنی ہوتی ہے بے شک وہ بجلی خریدیں یا نہیں۔

بڑے پیمانے پر سولر پینل نصب کیے جانے کی وجہ سے کپیسٹی چارجز کی ادائیگی کے حوالے سے حکومت کا پلان مشکلات کا شکار ہے۔ جس شخص کے پاس پیسے ہیں وہ سولر پینل انسٹال کر رہا ہے، جبکہ غریب وہ بجلی کے چارجز کی ادائیگی ڈبل میں پے کر رہا ہے۔ 

رپورٹ کے مطابق حکومت کا کہنا ہے کہ سولر پینل لگوانے والے سارفین صرف ڈیڑھ سال میں اپنی قیمت وصول کر لیتے ہیں، جبکہ اس کا دورانیہ بڑھا کر 10 سال کرنا ضروری ہے ۔

پاور ڈویژن کے مطابق صارفین نے سولر سسٹم اپنی ضروریات کے تحت لگائے ہیں تو جو اضافی بجلی حکومت خریدے گی تو اس بجلی کے نرخ  حکومت کے مطابق رکھے جائیں گے۔