دنیا کے پرتعیش ہوائی اڈے

متحدہ عرب امارات کا دبئی انٹرنیشنل ایئرپورٹ پہلے نمبر پر، برطانیہ کا ہیتھرو ایئرپورٹ دوسرے نمبر پر اور قطر کا حماد انٹرنیشنل ایئرپورٹ تیسرے نمبر پر ہے۔

اب بھول جائیں پرانے ویٹنگ لاؤنج کو یا باسی سینڈوچز کو۔ نئی تحقیق سے پتہ چلا ہے کہ دنیا بھر میں ممالک اپنے ایئرپورٹس کو لگزری آسائشوں سے آراستہ کر رہے ہیں۔ اس دوڑ میں کوئی بھی ملک پیچھے نہیں سوائے پاکستان کے۔

میڈیکل ٹریول انشورنس کے ماہرین آل کلیئر نے دنیا بھر کے 1800 ہوائی اڈوں کا تجزیہ کیا اور انہیں مطالعہ کر کےان کی لگزری سہولیات کو مد نظر رکھتے ہوئے سکوردیا۔ یہ سکور ایئرپورٹس کے لاونجز کی تعداد، ایف اینڈ بی کی دستیابی اور یہاں تک کہ سائیڈ پر اعلی درجے کے ہوٹلوں کی موجودگی جیسے عوامل پر مشتمل ہے۔

یہ نتائج عام ہوائی اڈوں کی بجائے خاص قسم کے ٹرمینلز کو نمایاں کرتے ہیں جن میں خصوصی آسائشیں فراہم کی جا رہی ہیں جیسا کہ:

اِتنے رش کے دوران اِنڈور باغات تاکہ عوام تازہ ہوا لے سکے

ایک لمبی پرواز سے پہلے تازگی بخشتے ہوئے سویمنگ پولز

بہترین ریسٹورنٹس جن میں نفیس کھانےاور بہترین ذائقے آپ چکھتے ہیں

یہاں تک کہ ٹیک آف سے پہلے گولف کورسز بھی میسر ہیں

دبئی ایئرپورٹ کو بہترین ایئرپورٹ قرار دیا گیا ہے۔ اس جدید ترین ہوائی اڈے نے لگزری سکور میں 100 میں سے 83 پوائنٹس حاصل کیے، جس میں اہم کردار اس کے 30 سے زیادہ خصوصی لانچزکا ہے جو تھکے ہوئے مسافروں کے لیے بہترین آسائش مہیا کرتے ہیں۔

دبئی کے بعد لندن کا ہیتھرو ہوائی اڈا 82 پوائنٹس کے ساتھ دوسرے نمبر پر آتا ہے جبکہ حماد انٹرنیشنل ایئرپورٹ دوحہ 73 پوائنٹس کے ساتھ تیسرے نمبر پر رہا۔

دلچسپ بات یہ ہے کہ ایشیائی ہوائی اڈوں کا ٹاپ 15 پر غلبہ ہے۔ تاہم یورپ نے بھی زبردست مظاہرہ کیا کیونکہ پیرس کا چارج ڈگال ہوائی اڈا پانچویں نمبر پر ہے۔

شمالی امریکہ کی نمائندگی نیویارک کا جان ایف کینیڈی انٹرنیشنل ایئرپورٹ کرتا ہے جو لسٹ میں گیارہویں مقام پر ہے۔ یہ ایئرپورٹ اپنے ڈیزائنر سٹورز اور مشہور شخصیات کے نظاروں کے لیے جانا جاتا ہے۔

نیچے دی گئی فہرست میں آپ دیکھیں گے کہ کون سا ہوائی اڈہ عیش و آرام اور آسائش مہیا کرنے میں راج کرتا ہے ۔ دنیا کے چوٹی کے پرتعیش ہوائی ڈے