بالی وڈ اداکار پریانکا چوپڑا کی کزن میرا چوپڑا کی شادی

فلم گینگ آف گھوسٹس سے بالی وڈ میں اینٹری لینے والی اداکارہ میرا چوپڑا جو کہ پریانکا چوپڑا کی کزن ہیں، انہوں نے ایک بزنس مین رکشٹ کیجریوال سے شادی کر لی۔

بھارتی میڈیا کے مطابق میرا چوپڑا نے جے پور میں ایک شادی کی تقریب میں بزنس مین رکشٹ کیجریوال سے شادی کی۔ میرا چوپڑا نے اپنے اہم دن پر سرخ اور گولڈن رنگ کے خوبصورت جوڑے کا انتخاب کیا۔ جبکہ ان کا دولہا سفید رنگ کی شیروانی میں ملبوس تھا۔

جوڑے کی طرف سے سوشل میڈیا پر اپنی شادی کی تصویریں بھی پوسٹ کی گئی، میرا چوپڑا اور ان کے شوہر کی ایک مشترکہ پوسٹ میں انہوں نے کہا اب ہمیشہ کے لیے مسکراہٹوں ، خوشیوں ، لڑائیوں،  آنسوؤں اور زندگی بھر کی یادوں میں اکٹھے اور ساتھ ہوں گے۔