اسرائیلی حملے میں دو جڑواں بچوں کی شہادت پر ان کی ماں کا سوال: مجھے ماں کون کہے گا؟

برطانوی خبررساں ادارے روئٹرز نے کہا ہے کہ رات گئے اسرائیلی فضائی حملے میں شہید ہونے والے دونوں جڑواں بچے اپنے خاندان کے 14 افراد میں سب سے کم سن تھے۔

تدفین کے موقع پر دونوں بچوں کی ماں رانیا ابو عنزہ نے ایک بچے کو اپنے گال کے ساتھ لگایا جبکہ دوسری طرف ایک دوسری سوگوار عورت نے کفن میں لپٹے دوسرے بچے کو تھاما ہوا ہے۔

شہید ہونے والے جڑواں بچوں میں ایک بیٹی تھی اور ایک بیٹا تھا۔غمزدہ ماں بچوں کو دفنانے نہیں دے رہی تھی، موقع پر موجود لوگ ماں کو دلاسہ دے رہے تھے۔ ماں نے مدھم آواز میں کہا ‘بیٹی کو میرے پاس رہنے دیں’۔

غذہ میں وزارت صحت کا کہنا ہے کہ رات گئے اس فضائی حملے میں تین اور دیگر بچے بھی شہید ہوئے ہیں۔