واشنگٹن: فوربز نے اپنی 100 مشرق وسطیٰ کی طاقتور ترین کاروباری خواتین کی فہرست میں پاکستانی یونی لیور کی سابق سی ای او شازیہ سید کو بھی شامل کیا ہے۔
عالمی خبررساں ادارے کے مطابق ایبٹ آباد سے تعلق رکھنے والی شازیہ سید عراق، شمالی افریقہ اور سعودی عرب میں یونی لیور کے آپریشنز کی جنرل مینجر ہیں۔ 2023 میں وہ مشرق وسطی کی بہترین ایگزیکٹوز میں سے ایک تھیں۔
شازیہ سید کا تعلق پاکستانی شہر ایبٹ آباد سے ہے،شازیہ سید نے اپنے کیریئر کا آغاز یونی لیور میں مینجمنٹ ٹرینی کے طور پر شروع کیا تھا۔ انہوں نے بہت تیزی سے ترقی کرتے ہوئے یونی لیور کی عالمی سطح پر مارکیٹنگ،جنرل مینجمنٹ اور سیلز کے شعبوں کی سربراہی کی۔ یہی وجہ ہے کہ فوربز میگزین نے شازیہ سید کو دوسری بار 100 بہترین کاروباری خواتین کی فہرست میں شامل کیا ہے۔
اس کے علاوہ پاکستان کی اس بیٹی کی نمایاں خدمات ہیں دیگر ممالک میں خواتین کو کاروباری اور باختیار بنانے میں۔
شازیہ سید نے فوربز کی فہرست میں شامل ہونے پر ایک سماجی رابطے کی ویب سائٹ پر کہا کہ وہ بہت خوش اور بہت پر جوش ہیں اپنے اس پیشاورانہ سفر میں۔
