اس مہینے ہندوستان میں رئیل می نارزو 70 پرو فائیو جی ریلیز ہوگا جو کہ ایئر گیسچر کی خصوصیت کے ساتھ آئے گا۔یہ خبر رئیل می انڈیا نے بتلائی ہے کہ ایئر گیسچر کی وجہ سے صارفین اب اپنےفون کو جسمانی رابطے کے بغیر نیویگیٹ کر سکیں گے.
جب فون کو چھونا آسان نہ ہو جیسے کہ ہاتھ گیلے یا گندے ہوں یا جب صارفین کھانا کھا رہے ہوں تو اس ٹیکنالوجی سے ہوا کے اشارے سے فون کو استعمال کیا جا سکتا ہے۔یہ ائیر گیسچرٹیکنالوجی کہلاتی ہے۔
رئیل می نے کہا ہے کہ یہ فون مختلف قسم کے اشاروں کو سپورٹ کرے گا اور یہ اشاروں کے کنٹرول تھرڈ پارٹی ایپس میں بھی دستیاب ہوں گے, بمشول ویڈیو سے متعلق ایپس جہاں صارفین اپنے انگوٹھے کے اشارے سے ویڈیو کو لائک کر سکیں گے. صارفین “اوکے” کے اشارے سے ویڈیو کو اپنی پسندیدہ فہرست میں شامل کر سکیں گیں
رئیل می نارزو 70 پرو فائیو جی کے اشتہارات دیکھ کر پتہ چلتا ہے کہ یہ فون پنچ ہول ڈسپلے کے ساتھ آئے گا۔جس میں اس کا مین کیمرہ 50 میگا پکسل سونی ائی ایم ایکس 890 ہوگا. فون میں 3.5 ایم ایم جیک کے ساتھ ایک سرکلر کیمرہ ائیلینڈ بھی ہوگا.
ایپس کی بات کرتے چلیں تو رئیل می نے یہ بھی کنفرم کیا ہے کہ رئیل می کے پرانے موبائلز سے نارزو 70 پرو فائیو جی 65 فیصد کم پری انسٹالڈ ایپس کے ساتھ ریلیز ہوگا۔
