کراچی کے علاقہ کینٹ اسٹیشن پر خوف و ہراس پھیل گیا۔ ریلوے پولیس نے ایک مشتبہ بیگ میں چھپے ہوئے، مشتبی بم کی اطلاع پر فوری رد عمل ظاہر کیا۔
لیکن سرچ آپریشن کے بعد بم ڈسپوزل سکواڈ نے تصدیق کی کہ یہ الارم بے بنیاد تھا۔
رپورٹ کے مطابق یہ واقعہ اس وقت پیش ایا، جب ریلوے اسٹیشن پر ریلوے پولیس نے ایک مشکوک بیگ کی موجودگی کے بارے میں سرچ کی، اور فوری کاروائی کی خطرے کے پیش نظر ریلوے پولیس نے فوری طور پر بم ڈسپوزل سکواڈ کو طلب کیا۔
ایس ایچ او کینٹ سٹیشن ارشد کیانی کے مطابق مسجد کے قریب ممکنہ دھماکہ خیز مواد کی ڈیوائس کے حوالے سے خدشات تھے۔ اطلاع ملنے پر بم ڈسپوزل سکواڈ کے ساتھ مل کر صورتحال کا جائزہ لیا گیا ۔
تمام تلاشی کے بعد بم ڈسپوزل سکواڈ کے اہلکاروں نے مسافروں اور تمام عملے کو یقین دہانی کروائی کہ وہاں کوئی اب خطرہ نہیں ہے۔
